Rusiya rublu son aylarda nəzərəçarpacaq dərəcədə ucuzlaşıb. Bir neçə ay əvvələ nisbətən dollar rubla nəzərən 30 faizdən çox yüksəlib.

RBC xəbər verir ki, maliyyə mütəxəsisi Mixayıl Şulqin Rusiyada dolların bahalaşmasını 3 səbəblə əlaqələndirir.

Şulqin xatırladıb ki, rubl 2022-ci ilin noyabrındab stabil qaydada ucuzlaşır. “Amma bu ilin martında və aprelində ucuzlaşma tempi güclənib”, - deyən Şulqin ucuzlaşmanı bu səbəblərlə əlaqələndirib:

“Bu il Rusiyanın ixracı stabil şəkildə azalır, amma idxal eyni templərlə artır. İkinci səbəb xaricə kapital axınında artımın davam etməsidir. Üçüncü səbəb ilin əvvəlində dövlət büdcəsində kəsirin sürətlə artmasıdır. Sadaladığım səbəblər rublun məzənnəsi üzərində təzyiqi artırıb”.

Şulqin hesab edir ki, rublun dəyərdən düşməsinə daha çox ixracın, konkret olaraq neft ixracının azalması təsir göstərib:

“Dövlət büdcəsində Rusiyanın satdığı “Urals” neftinin qiyməti 70,1 dollardan götürülüb. Bu qiymət əsas götürüldüyündə dollar 68,3 rubl olacaqdı. Lakin birinci rübə dair açıqlanan məlumatlar göstərir ki, neftin orta qiyməti 48,92 dollar olub. Buna uyğun olaraq ilk rübdə dolların məzənnəsi 73,56 rubla yüksəlib.

Yeni proqnoza görə 2023-cü ildə “Urals” neftinin orta qiyməti 50-51 dollar dollar təşkil edəcək. Buna uyğun olaraq dolların məzənnəsi də dəyişəcək.”

Şulqin yuxarıda sadalanan səbəblərin qalacağı təqdirdə rublun bir qədər də dəyər itirəcəyini proqnozlaşdırır. //Sfera