Qısa və orta müddətli investisiyalar üçün dolları Çin yuanı əvəz edə bilər.

Bunu BCS “World of Investments”-in fond bazarı üzrə eksperti Dmitri Babin bildirib. O hesab edir ki, artıq birjada ticarətin həcmi artır. Bu, Çin iqtisadiyyatının ABŞ-dan sonra ikinci, Çinin isə Rusiyanın xarici ticarətdə ən böyük tərəfdaşlarından biri olması ilə bağlıdır:

“Rusiyaya qarşı elan edilmiş bütün sanksiyaları və məhdudiyyətləri nəzərə alsaq, Rusiya ilə Çin arasında ticarət əməliyyatlarının həcminin, o cümlədən yuan və rublla qarşılıqlı hesablaşmaların artması gözlənilir. Bu, rusiyalı investorlar üçün Çin valyutasının aktuallığını daha da artırır”.

Maliyyə analitiki Mixail Belyaev də ruslara yuana “daha yaxından baxmağı” məsləhət görüb:

“Çin valyutası bizim bazar üçün yüksək perspektivlərə malikdir. Dollar və avro ilə bağlı mövcud vəziyyəti nəzərə alsaq, onunla işləmək strateji baxımdan düzgün görünür”.