Çin iqtisadiyyatı önümüzdəki illərdə ümumi daxili məhsulun (ÜDM) artım tempini 5-6% səviyyəsində saxlaya bilər.

Bu proqnozu cümə axşamı günü Çin Xalq Bankının (Mərkəzi Bank) sədri Yi Gang açıqlayıb. 

Gang-ın yayımlanan bir məqaləsində, "Çin iqtisadiyyatının sürətini 5-6% səviyyəsində saxlamaq potensialı var" deyilir.

Mərkəzi Bankın rəhbəri bildirib ki, Çin hakimiyyəti xüsusi tədbirlərə əl atmadan standart bir pul siyasətinə riayət edəcək. "Hələ də aktiv alqı -satqısı əməliyyatlarına ehtiyac yoxdur" Yi Gang qeyd edib.

Onun sözlərinə görə, Çin bankı faiz dərəcəsini liberallaşdırmaq üçün islahatları davam etdirəcək. 

Hökumətin məlumatlarına görə, 2021-ci ilin ilk yarısında Çinin ÜDM -i illik 12,7% artaraq 53,21 trilyon yuan (təxminən 8,24 trilyon dollar) təşkil edib. Daha əvvəl, Çin Dövlət Statistika İdarəsinin rəsmi nümayəndəsi Fu Linghui, iqtisadiyyatın tədricən yaxşılaşdığını, ancaq davamlı inkişafının pandemiya və təbii fəlakətlər səbəbindən əngəlləndiyini söyləmişdi. O qeyd etmişdi ki, ölkə hakimiyyəti artan çətinliklərə baxmayaraq islahatlar və açıqlıq kursunu qətiyyətlə davam etditmək niyyətindədir.

Mənbə: Marja