16:59

Gürcüstanın Kvareli şəhərində “Gürcüstan bankı”nın filialına silahlı basqın olub.

“Report”un yerli bürosu xəbər verir ki, bankda bir neçə əməkdaş və müştərinin olduğu bildirilir.

Basqınçıda əl qumbarasının olması barədə məlumatlar yayılıb. Basqın edən şəxs 15 nəfəri girov götürüb.

Hadisə yerinə polis əməkdaşları cəlb olunub.

Məlumatlara əsasən, basqınçı girovları azad etmək üçün yarım milyon lari pul tələb edir.

17:56

Gürcüstanın Kvareli şəhərində bank filialına basqın edən silahlı şəxs girovların hamısını sərbəst buraxıb.

“Report”un yerli bürosu xəbər verir ki, bu barədə Kaxeti bölgəsinin qubernatoru İrakli Şioşvili “Birinci kanal”a məlumat verib.

Onun sözlərinə görə, hazırda polis basqınçı ilə danışıqları davam etdirir.