Həftə sonu qısa müddətlik 48 min dollar səviyyəsinə yaxınlaşan “Bitcoin” bu səviyyəni üstələyə bilmədiyi üçün dünəndən etibarən yenidən ucuzlaşmağa başlayıb.

Valyuta.az Banco.az-a istinadla bildirir ki, ən dəyərli kriptovalyuta hesab edilən bitkoin səhər saatlarında ötən 24 saat ərzində 2,1% ucuzlaşmaqla 45 min 300 dollara enib.

“Ethereum” da oxşar olaraq 3,7%-lik ucuzlaşma ilə 3 min 60 dollara düşüb.

Qeyd edək ki, ötən sutka ərzində bazar dəyəri baxımından ilk 100-ə daxil olan kriptovalyutaların 89-unda dəyər itkisi müşahidə edilib.