Avropa Mərkəzi Bankı (ECB) avrozonada fəaliyyət göstərən bankların dividend ödənişini məhdudlaşdırmaq üçün tədbirlər görə bilər.

Valyuta.az Report.az-a istinadən xəbər verir ki, bu barədə qurumun rəsmisi Marqarita Delqado məlumat verib.

Onun sözlərinə görə, ECB bankları yumşaq dividend siyasəti yürütməyə təşviq edəcək: 

“Əgər bunu qəbul etməsələr, daha yüksək kapital və ya keyfiyyət tədbirləri ilə bankların dividend ödənişlərini məhdudlaşdıra bilərik”.

Xatırladaq ki, tənzimləyici qurum avrozona banklarına bu il sentyabrın 30-na qədər səhmdarlarına dividend ödəməməyi və yaxud bu ödənişləri məhdudlaşdırmağı, səhmləri geri satın almağə tövsiyə edib. Bununla belə, kifayət qədər kapitala malik banklar 2019-2020-ci illərdəki bölüşdürülməmiş mənfəətlərinin bir hissəsindən dividend ödəyə bilər.