ABŞ-ın əsas maliyyə orqanı olan Federal Ehtiyat Sistemi (FED) faiz dərəcələrini gözləniləndən daha erkən yüksəldə bilər.

Valyuta.az-ın "APA-Economics"ə istinadən verdiyi məlumata görə, iyunun 16-sı açıqlanacaq proqnozlar onu göstərə bilər ki, rəsmilərin əksəriyyəti faiz dərəcələrinin 2022-2023-cü illərdə artmasını gözləyir. 

Bunun səbəb kimi, artan inflyasiyanın gözləniləndən daha tez baş verməsi göstərilir. Bundan əlavə, iqtisadi artımın FED-in proqnozlaşdırdığı 6,5%-dən çox olması ehtimalı da bu gözləntilərə əsas verir.

"The Wall Street Journal" qeyd edir ki, FED tərəfindən aylıq xəzinə və ipoteka istiqrazlarının alışını azaltmağa gəlincə, bu proses cari ilin sonunda – növbəti ilin əvvəlində başlayacağı proqnozlaşdırılır.