Kiçik və Orta Biznesin İnkişafı Agentliyinin (KOBİA) 2023-cü il üçün maliyyə vəziyyəti açıqlanıb.

Valyuta.az qurumun maliyyə hesabatına istinadən xəbər verir ki, bu dövrdə qurum 562 min manat mənfəət əldə edib.

Ötən il KOBİA-nın sair əməliyyat gəlirləri əvvəlki illə müqayisədə 21 milyon 339 min manat və ya 45,8 % azalaraq 25 milyon 235 min manat olub.

KOBİA-nın amortizasiya xərcləri 907 min, digər əməliyyat xərcləri 10 milyon 598 min, işçi heyəti üzrə xərcləri 12 milyon 25 min, sair əməliyyat xərcləri 1 milyon 934 min manat təşkil edib.

Ötən il KOBİA-nın cəmi aktivləri 3 milyon 271 min manat və ya 6,9 % azalaraq 44 milyon 341 min manat, cəmi kapitalı 1 milyon 178 min manat, yaxud da 4 % artaraq 30 milyon 917 min manat, cəmi öhədlikləri də 4 milyon 449 min manat və ya 24,9 % azalaraq 13 milyon 424 min manat təşkil edib.

Xatırladaq ki, KOBİA Azərbaycanda kiçik və orta biznesin inkişafını dəstəkləyən, KOB subyektlərinə bir sıra xidmətlər göstərən, dövlət orqanlarının bu sahədə xidmətlərinin əlaqələndirilməsini və tənzimlənməsini həyata keçirən publik hüquqi şəxsdir.

Əvəz Həsənov