Pirallahıda şpris istehsal edən “Diamed Co”  Şpris İstehsalı Zavodu 2023-cü ildə satışdan gəlirlərini 25% artırıb və ili xalis mənfəətlə tamamlayıb.

Valyuta.az Banker.az-a istinadən xəbər verir ki, şpris zavodu hesabat ilində 9.64 milyon manatlıq satışdan gəlir əldə edərək 2022-ci ili 1.955 mln. manat üstələyib. Satışın maya dəyəri isə 5.04 mln. manat olub.

Ümumilikdə, əməliyyat gəliri 3.8 mln. manat təşkil edib.

Beləliklə, bütün gəlir və xərclər fərqindən sonra 3.56 mln. manat xalis mənfəət əldə edib. Ötən ilə təsisçilərə mənfəətdən 2 mln. manat ayrılıb və beləliklə 1 yanvar 2024-cü il tarixinə 1.59 mln. manatlıq kapital balansında bölüşdürülməmiş mənfəət var.

“Diamed Co “ MMC 2023-cü il üzrə uzunmüddətli borc öhdəliyini 2 mln. manatdan 4 mln. manata yüksəlib. Bununla belə, onun “kassasında” 4.11 mln. manatlıq vəsait hazırda qalmaqdadır. Cəmi aktivlərin həcmi 17.32 mln. manat, cəmi öhdəliklər 6.21 mln. manat və cəmi kapital isə 11.11 mln. manatdır. Kapitalın digər hissəsi 9.52 mln. manatlıq nizamnamə kapitalıdır.

“Diamed Co “ Şpris İstehsalı zavodu Azərbaycanda və Cənubi Qafqazda ilk şpris istehsal edən şirkətdir. Zavod 2017-2018-ci illərdə  ekoloji cəhətdən təmiz  “Pirallahı Sənaye Parkı”nda  inşa edilib.

Müəssisədə İsveçrə, Almaniya, Yaponiya və qabaqcıl Avropa ölkələrinin texnologiyaları əsasında müxtəlif tutumlu birdəfəlik şprislərin istehsalı həyata keçirilir.

Müxtəlif tutumlu birdəfəlik şprislər  istehsal edən zavodun illik istehsal gücü 150 milyon ədəddir.

Zavod hazırda 50 nəfərlik işçi heyəti ilə müxtəlif tutumlu 2, 5, 10 və 20 qramlıq olmaqla ildə 150 milyon ədəd “Made in Azerbaijan” brendi altında şpris istehsal edir.