Bu ilin yanvar-aprel aylarında Azərbaycanla MDB ölkələri arasında ticarət dövriyyəsinin həcmi 1 milyard 917 milyon 635 min ABŞ dolları təşkil edib.

Valyuta.az Dövlət Gömrük Komitəsinə istinadən xəbər verir ki, bu, 2023-cü ilin yanvar-aprel ayları ilə müqayisədə 10,3 %, yaxud da 220 milyon 848 min ABŞ dolları azdır. MDB ölkələrinə Azərbaycanın ixracının həcmi 464 milyon 253 min ABŞ dolları olub ki, bu da 2023-cü ilin yanvar-aprel ayları ilə müqayisədə 3,4 % azdır.

2023-cü ilin yanvar-aprel aylarında Azərbaycanla MDB ölkələri arasında ticarət dövriyyəsinin həcmi 2 milyard 148 milyon 483 min ABŞ dolları təşkil edib. 
Azərbaycanla Rusiya arasında ticarət dövriyyəsinin həcmi 1 milyard 308 milyon 456 min ABŞ dolları təşkil edib. Bu, 2023-cü ilin yanvar-aprel ayları ilə müqayisədə 78 milyon ABŞ dolları, yaxud da 5,6 % azdır. Azərbaycanla Rusiya arasında 2023-cü ilin yanvar-aprel aylarında ticarət dövriyyəsinin həcmi 1 milyard 387 milyon 220 min ABŞ dolları həcmində olub. Azərbaycanın Rusiyaya ixracının həcmi 325 milyon 478 min ABŞ dollar dəyərində olub, bu, 2023-cü ilin müvafiq dövrü ilə müqayisədə 23 milyon 998 min ABŞ dolları 6,8 % azdır. Rusiyadan Azərbaycana idxalının həcmi 54 milyon 766 min ABŞ dolları, yaxud da 5,3% azdır.  

Bu ilin yanvar-aprel aylarında Azərbaycanla Belarus arasında ticarət dövriyyəsinin dəyəri 137 milyon 63 min ABŞ dolları təşkil edib ki, bu, 2023-cü ilin müvafiq dövrü ilə müqayisədə 22,1 % çoxdur. Azərbaycanın Belarusa ixracının həcmi 12 milyon 861 min ABŞ dollar təşkil edib. Bu, 2023-cü ilin müvafiq dövrü ilə müqayisədə 27,3 % çoxdur. Belarusdan Azərbaycana idxalın həcmi isə 22 % artaraq 124 milyon 202 min ABŞ dolları olub. 

Hesabat dövründə Azərbaycanla Qazaxıstan arasında ticarət dövriyyəsinin həcmi 87 milyon 269 min ABŞ dollar olub ki, bu, 2023-cü ilin yanvar-aprel ayları ilə müqayisədə 80 milyon 227 min ABŞ dollar, yaxud da 2 dəfəyə yaxın azdır. Azərbaycanın Qazaxıstana ixracının həcmi 2024-cü ilin yanvar-aprel aylarında 16 milyon 961 min ABŞ dollar təşkil edib, bu, 2023-cü ilin müvafiq dövrü ilə müqayisədə 19 milyon 372 min ABŞ dollar, yaxud da 2,1 % azdır. Qazaxıstandan Azərbaycana idxalın həcmi 70 milyon 308 min ABŞ dollar təşkil edib. Bu, 2023-cü ilin müvafiq dövrü ilə müqayisədə 60 milyon 308 min ABŞ dollar, yaxud da 1,8 dəfə azdır.

Azərbaycanla Türkmənistan arasında ticarət dövriyyəsinin həcmi 150 milyon 614 min ABŞ dolları təşkil edib. Bu, 2023-cü illə müqayisədə 145 milyon 913 min ABŞ dollar, yaxud da azdır, 49,2 % azdır.

Azərbaycanın Türkmənistana ixracının həcmi 25 milyon 679 min ABŞ dolları təşkil edib, bu, 2023-ci ilin müvafiq dövrü ilə müqayisədə 8,7 %, yaxud da 2 milyon 459 min ABŞ dolları azdır.

Azərbaycanın Türkmənistandan idxalının həcmi 124 milyon 935 min ABŞ dolları təşkil edib ki, bu, 2023-cü ilin müvafiq dövrü ilə müqayisədə 2,1 dəfə, yaxud da 143 milyon 454 min ABŞ dolları azdır. 

Azərbaycanla Ukrayna arasında ticarət dövriyyəsinin həcmi 152 milyon 922 min ABŞ dolları təşkil edib, bu, 2023- cü ilin müvafiq dövrü ilə müqayisədə 44,5 % çoxdur. Azərbaycanın Ukraynaya ixracının həcmi 50 milyon 288 min ABŞ dolları olub, bu, 2023-cü ilin müvafiq dövrü ilə müqayisədə 66 % çoxdur.

Azərbaycanın Ukraynadan idxalın həcmi 102 milyon 634 min ABŞ dolları təşkil edib. Bu, 2023-cü ilin müvafiq dövrü ilə müqayisədə 35,9 % çoxdur.

Nara