Gözəllik mərkəzləri nə edə bilərlər ki, satışlarını daha çox artırsınlar?

Valyuta.az bu barədə biznes konsultant Solmaz Yaqubovanın şərhini təqdim edir.

“Ən çox gələn şikayətlərdən biri müştərinin bir dəfə gəlməsi, daha sonra gəlməməsidir. Bunun səbəbi müştəridə yaratdığınız görüntünü təmin edə bilməməyinizdir. Ola bilər ki, “Instagram”da çəkdiyiniz videolar və yazdığınız sözlər ilə insanlarda fərqli görüntü yaradırsınız, amma müştəri gələn zaman həmin görüntünü ala bilmir. Keyfiyyətli iş görməyə fokuslanmaq lazımdır. Gözəllik sektorunda əsas yaşanan problemlərdən biri müştərinin çox nazlanması və daha diqqətcil olmasıdır. Bunda görə də işçi seçimi zamanı da diqqət etmək lazımdır ki, işçi mülayim olsun, müştərilərlə yaxşı əlaqə qura bilsin. 

Həmçinin, seçdiyiniz kosmetoloji məhsulların keyfiyyətli olmasına diqqət yetirin. Sadəcə gördüyünüz işə yox, müştərini xoşbəxt etməyə fokslanın. Müştəriyə o andan zövq alması üçün yardımçı olun.