“Bəzi bizneslərin mağazalarının olub-olmaması onların çatdırılmanı ödənişsiz etməsinə səbəb deyil”. 

Bunu Valyuta.az-a marketoloq Pərviz Əzimov müştərilərlə kiçik onlayn ticarətlə məşğul olan bizneslər arasında çatdırılma ödənişi ilə bağlı yaranan problem haqqında danışarkən deyib. 
 
Pərviz Əzimov bildirib ki, bütün dünyada onlayn satışlar zamanı çatdırılma ödənişlidir:

“Çünki həmin çatdırılmasının kuryer-karqo xərcləri var. Bu xərcləri də hansısa formada qarşılamalıdır. Bunun isə iki forması var, ya həmin şirkət öncədən məhsula qiymət qoyarkən karqo pulunu da əlavə edərək bir qiymətlə satır, ya da bunu müəyyən etdiyi qiymətdə nəzərə almır, sonradan məsafəyə görə müştəridən karqo-çatdırılma ödənişi alır".

Marketoloq deyib ki, bu məsələdə müştərilərin şikayəti də əsaslı deyil:

“Müştərilər anlamalıdır ki, hansısa ünvana qədər məhsul çatıdırılıbsa, bunun bir xərci var, şirkət də məcburdu bu xərclərini nəzərə alsın. Bir biznesin xərcləri var, qiymət qoyma prosesi var. Məsələn, biznes sahibi qiymət qoyma prosesində çatdırılma xidmətini nəzərə almır. Məhsulu 6 manata yox, 5 manata satır, məsafəyə uyğun olaraq da çatdırılma ödənişi müəyyən edir. Bu, bütün dünyada belədir. Onlayn ticarətdə pulsuz çatdırılma deyə anlayış yoxdur. Doğrudur, bəzən hansısa biznes sahibi bunu kampaniya formasında edə bilər, deyə bilər ki, bu ay çatdırılmanı pulsuz edirəm. Lakin bu, daima belə olacağı demək deyil”. 

Davud