“Necə sual verim ki, müştəri sıxılmasın?” - Beynəlxalq satış təlimçisi yazır

Beynəlxalq satış təlimçisi, “Modern Business Academy”nin təsisçisi Kamal Mahmudov yazır...

“Necə sual verim ki, müştəri sıxılmasın?”

Bu sual çox insan üçün maraqlıdır. Təlim keçdiyim şirkətlərdə də əməkdaşlar (80%-i) bunu deyir: "Çox sual versəm müştəri sıxılar və şikayətlənər". Məsələyə bir az dərindən baxmaq lazımdır.

Bu cümlədə 3 açar kəlmə var:

1.  "Çox sual"
2.  "Sıxılmaq"
3.  "Şikayətlənmək"

Əslində olan nədir:

1. "Çox sual" - təəssüratı o zaman yaranır ki, şablon suallar verilir və suallararası heç bir əlaqə yoxdur ("istintaq" modu)

2. "Sıxılmaq" - o vaxt yaranır ki, darıxdırıcı (süni) səslənirik. Bunun suallarla çox zaman əlaqəsi olmur

3. "Şikayətlənmək" - o vaxt önə çıxır ki, müştəri suallarına etinasızlıq edib, növbəti nə deyəcəyimizə fokuslanırıq

Necə həll edək?

- Sual verməkdən çəkinməyin və çalışın suallar biri digərinin ardı olsun. Suallararası körpü qurmağı da bacar
- Səs tonunuz sıxıcı olandan sonra heç kim sizi dinləmək istəməyəcək. Səs məşqləri edin
- Müştərinin nə dediyinə fokuslanın, növbəti nə sual verəcəyinə yox. Çünki o danışdıqca sizə açar nüansları verəcək.