2023-cü ilin yanvar-avqust aylarında Azərbaycan və Gürcüstan arasında ticarət dövriyyəsi 612 milyon 870 min dollar təşkil edib.

Valyuta.az xəbər verir ki,  bu göstəricinin həcmi ötən ilin müvafiq dövrü ilə müqayisədə 16.6% və ya 87 milyon 133 min dollar artıb. 2022-ci ilin yanvar-avqust aylarında Azərbaycan və Gürcüstan arasında ticarət dövriyyəsinin həcmi 525 milyon 737 min dollar təşkil edib.

Qeyd edək ki, hesabat dövründə Azərbaycandan Gürcüstana ixracın həcmi 18.5% artaraq 528 milyon 527 min dollara, Gürcüstandan Azərbaycana idxalın həcmi isə 5.8% artaraq 84 milyon 342 min dollara bərabər olub.

Əlavə edək ki, Gürcüstan Azərbaycanın qeyri-neft məhsulu ixrac etdiyi ölkələr sırasında 3-cü yerdədir. Belə ki, bu dövrdə Azərbaycandan Gürcüstana 219 milyon dollar dəyərində qeyri-neft məhsulları ixrac edilib.

© APA