“Silk Way Holding”ə daxil olan “Silk Vey Vest Aviaşirkəti” MMC-nin (“Silk Way West Airlines”) 2023-cü ilin birinci yarısında gəlirləri 816.37 milyon manat təşkil edib.

Valyuta.az-ın hesablamasına görə, bu da 2022-cü ilin analoji dövründən 968.59 milyon manat və ya 54% azdır. 2022-ci ilin ilk yarısında avia şirkətin gəlirləri 1,78 milyard manata bərabər olub.

Bu dövrdə “Silk Vey Vest Aviaşirkəti”nin xərcləri  isə illik müqayisədə 20% azalmaqla 787.77 milyon manata enib.

Şirkətin gəlirlərinin kəskin şəkildə azalması onun xalis mənfəətini 2022-ci ilin birinci yarımilinə nisbətən 60 dəfə və ya 592,2 milyon manat azaldıb. Belə ki, ötən ilin ilk altı ayında avia şirkət 602.3 milyon manat xalis mənfəət əldə etdiyi halda, 2023-cü ilin eyni dövründə bu rəqəm 10.1 milyon manata kimi enib. 

Xatırladaq ki, “Silk Vey Vest Aviaşirkəti” 2012-ci ildə yaradılıb. Onun səhmlərinin 98%-i “Silk Way Aviaşirkəti” MMC-yə, 2%-i isə “Silk Way Development” MMC-yə məxsusdur.

Mahir