Azərbaycanda fəaliyyət göstərən 26 bankdan 10-u mənfəət vergisini ödəməyib. 

Bunlar Access Bank, AFB Bank, Bank BTB, Bank Respublika, Bank VTB, Günay Bank, Muğan Bank, Naxçvan Bank, Pakistan Milli Bankının Bakı filialı və Yelo Bank-dır.

Valyuta.Az xəbər verir ki, mənfəət vergisini ödəməyən bankların 6-ı mənfəət əldə etsə də 4-ü 2020-ci ilin son rübünü zərərlə başa vurub. Belə ki, “Bank BTB” 9 milyon 130 min manat, “Bank VTB” 8 milyon 726 min manat, “Muğan Bank” 707 min manat, “Yelo Bank” isə 39 milyon 749 min manatlıq zərər açıqlayıblar.

Mənfəət vergisini ən çox ödəyən bank isə 61 milyon 136 min manatla “Kapital Bank” dır. 

Renkinqdə 2-ci sıranı 53 milyon 429 min manatla “Azərbaycan Beynəlxalq Bankı”, 2-cü sıranı isə 28 milyon 768 min manatlıq mənfəət vergisi ilə “Pasha Bank” tutub.