“VTB Bank Azərbaycan” əvvəlki kimi qazana bilmir - Mənfəətdə 2 milyon manatlıq azalma

“VTB Bank Azərbaycan”ın bu ilin 9 ayında xalis mənfəəti 6 milyon 140 min manat olub.

Valyuta.az bu barədə bankın maliyyə hesabatına istinadən xəbər verir ki, bu, 2023-cü ilin eyni dövrü ilə müqayisədə 28,9 % və ya 2 milyon 503 min manat azdır.

Bankın faiz gəlirlərinin həcmi bu ilin hesabat dövründə 17,2 %  və ya 3 milyon 470 min manat artaraq 23 milyon 616 min manata çatıb.

“VTB Bank Azərbaycan”ın qeyri-faiz gəlirlərinin həcmi 80 % və ya 4 milyon 373 min manat artaraq 9 milyon 835 min manata çatıb.
 
“VTB Bank Azərbaycan”ın faiz xərclərinin həcmi bu ilin 9 ayında 6 milyon 182 min manat olub ki, bu da 2023-cü ilin eyni dövrü ilə müqayisədə 23,2 % və ya 1 milyon 167 min manat çoxdur.

Bankın qeyri-faiz xərclərinin həcmi 21 milyon 564 min manat olub ki, bu da 2023-cü ilin eyni dövrü ilə müqayisədə 17,7 % çoxdur. 

“VTB Bank Azərbaycan”ın bu ilin 9 ayında aktivlərinin həcmi 299 milyon 153 min manat olub ki, bu da 2023-cü ilin eyni dövrü ilə müqayisədə 19,7 % və ya 49 milyon 253 min manat çoxdur. 

Bankın öhdəliklərinin həcmi 201 milyon 507 min manat olub ki, bu da 2023-cü ilin eyni dövrü ilə müqayisədə 26,8 % və ya 42 milyon 662 min manat çoxdur.

Xatırladaq ki, “Bank VTB Azərbaycan” 2003-cü ildən fəaliyyət göstərən “AF Bank” ASC-nin bazasında 2009-cu ildə yaradılıb. Onun nizamnamə kapitalı 315,815 milyon manatdır. Bankın səhmlərinin 99,999995 %-i “Bank VTB Rusiya” ASC-yə, 0,000005 %-i isə Adıgözəl Ağayevə ("Ata Holdinq” MMC-nin keçmiş baş direktoru) məxsusdur.

Nara