2024-cü ilin yanvar-mart aylarında Azərbaycanda banklar müştərilərə 13 milyard 476 milyon manat həcmində biznes kreditləri veriblər. 

Valyuta.az Mərkəzi Banka istinadən xəbər verir ki, bu, 2023-cü ilin yanvar-mart ayları ilə müqayisədə 24,3 % çoxdur.

Ötən ilin hesabat dövründə Azərbaycanda banklar tərəfindən 10 milyard 835 milyon manat dəyərində biznes kreditləri verilib. 

Azərbaycanda banklar arasında böyük həcmdə biznes krediti verən  “Paşa Bank” olub. Belə ki, bank hesabat dövründə müştərilərə 2 milyard 817 milyon 592 min manat kredit verib. Bu da 2023-cü ilin yanvar-mart ayları ilə müqayisədə 18,9 % çoxdur. 

İkinci yerdə “Azərbaycan Beynəlxalq Bank” olub. Bank müştərilərə 2 milyard 637 milyon 473 min manat kredit verib ki, bu da 2023-cü ilin müvafiq dövrü ilə müqayisədə 67,6 % çoxdur. 

“Kapital Bank”ın müştərilərə verdiyi kreditlərinin həcmi 46,9 % artaraq 1 milyard 391 milyon 636 min manat olub. 

“Bank Respublika”nın 2024-cü ilin yanvar-mart aylarında verdiyi biznes kreditlərinin həcmi 804 milyon 407 min manat olub ki, bu da 2023-cü ilin müvafiq dövrü ilə müqayisədə 19,5 % çoxdur. 

“Access Bank” 2024-cü ilin yanvar-mart aylarında 801 milyon 566 min manat biznes kreditləri verib. Bu da 2023-cü ilin müvafiq dövrü ilə müqayisədə 19 % çoxdur.

Nara