“BTB Bank”ın idarə edə bilməyib satdığı investisiya şirkətinin birja dövriyyəsi artmaqda davam edir. 

Valyuta.az-ın məlumatına görə, söhbət satıldıqdan sonra rebrendinq edilən “Assist Finance” investisiya şirkətindən gedir. İnvestisiya şirkətinin bu ilin yanvar-may aylarında Bakı Fond Birjasında dövriyyəsi 2 milyard 563,2 milyon manata bərabər olub. 2023-cü ilin eyni dövründə “BTB Kapital” adı ilə fəaliyyət göstərən şirkətin dövriyyəsi isə 662,45 milyon manat təşkil edib.

Başqa sözlə, “Assist Finance”ın dövriyyəsi “BTB Kapital” kimi fəaliyyət göstərdiyi dövrə nisbətən 3,9 dəfə ya və 1,9 milyard manat çox olub. 

Məlumata görə, əvvəlkidən fərqli olaraq biznes qərarlarında çevik yanaşma investisiya şirkətinin dövriyyəsinə də təsir edib.

Qeyd edək ki, "BTB Bank"ın törəmə şirkəti olan “BTB Kapital” 2018-ci ildə 350 min manat nizamnamə kapitalı ilə yaradılıb. 2023-cü ildə 350 min manata investisiya şirkətinin keçmiş direktoru Ruslan Cəfərova satılıb. 

Xatırladaq ki, “Bank BTB” 2010-cu ildə yaradılıb. Onun nizamnamə kapitalı 71.5 mln. manatdır. Bankın səhmlərinin 75%-i Ramiz Mehdiyevin gəlini Nigar İsmayıl qızı Mehdiyevaya, 19%-i Rza İsmayıl oğlu Sadiqə (Müşahidə Şurasının sədri), 6%-i isə Tükəzban Ağa qızı Mahmudovaya məxsusdur.

Leyli