“Premium Bank” ASC bu ilin I rübündə 478 milyon 233 min manat kredit verib.

Valyuta.az bu barədə bankın maliyyə hesabatına əsasən xəbər verir ki, bu, 2023-cü ilin sonu ilə müqayisədə 1,4 %, yaxud da 6 milyon 367 min manat çoxdur.

“Premium Bank” ASC bu ilin yanvar-mart aylarında 32 milyon 284 min manat istehlak krediti verib ki, bu da 2023-cü ilin sonu ilə müqayisədə 67,8 %, yaxud da 13 milyon 36 min manat çoxdur.

Hesabat dövründə bankın biznes kreditlərinin həcmi 378 milyon 402 min manat təşkil edib. Bu, 2023-cü ilin sonu ilə müqayisədə 7 milyon 236 min manat, yaxud da 1,9 % azdır. 
“Premium Bank”ın aktivləri 675,434 milyon manat olub ki, bu da 2023-cü ilin sonu ilə müqayisədə 3,6%, yaxud da 9 milyon 682 min manat azdır.

Nara