“Naxçıvan Bank” ASC bu ilin yanvar-mart aylarını  5 milyon 292 min manat xalis mənfəətlə başa vurub. 

Valyuta.az bu barədə bankın hesabatına əsasən xəbər verir ki, bu, 2023-cü ilin müvafiq dövrü ilə müqayisədə 4,6% çoxdur.

Hesabat dövründə “Naxçıvan Bank”ın gəlirləri 3,187 milyon manat təşkil edib. Bu, 2023-cü ilin müvafiq dövrü ilə müqayisədə 56%, yaxud da 4 milyon 54 min manat azdır. 2023-cü ilin yanvar-mart aylarında bankın gəlirləri 7 milyon 241 min maat olub. 

“Naxçıvan Bank”ın  yanvar-mart aylarında xərcləri 2,477 milyon manat olub, bu, ötən ilin müvafiq dövrü ilə müqayisədə 14,5% azdır. Hesabat dövründə bankın xüsusi ehtiyatlara ayırmaları üzrə qənaəti 4,604 milyon manat (7 dəfəyə yaxın çox), mənfəət vergisi ödəmələri isə 13 min manat (1 il bundan əvvəl vergi ödəməyib) təşkil edib.

Bu ilin hesab dövründə “Naxçıvan Bank”ın aktivləri 2023-cü ilin müvafiq dövrü ilə müqayisədə 38%, yaxud da 119 milyon 283 min manat azalaraq 194,586 milyon manat olub. 

“Naxçıvan Bank”ın öhdəlikləri 35,2% azalaraq 127,611 milyon manata, balans kapitalı isə 42,8% azalaraq 66,975 milyon manata, o cümlədən nizamnamə kapitalı 53,2% azalaraq 44 milyon manata düşüb.

Nara