“Yelo Bank” kartdan karta köçürmələrə (card to card) məhdudiyyət tətbiq etməyə başlayır.

Valyuta.az İqtisadiyyat.az-a istinadən qəbər verir ki, həm "Yelo Light", həm "Premium", həm də "Infinite" kart sahibləri ay ərzində kartdan-karta 3 min manatdan artıq pulsuz köçürmə edə bilməyəcəklər.

Eyni limit  Yelo ATM-lərindən komissiyasız nağdlaşdırmaya da şamil edilir. “Card to card” limitləri aprel ayının 8-dən etibarən tətbiq ediləcək. 

Qeyd edək ki, bir qədər əvvəl, yəni bu ilin mart ayında  "Azər Türk Bank" da “card to card ” əməliyyatlarına məhdudiyyət tətbiq etməyə başlayıb. ATB “card to card” üzrə günlük 15 dəfə, ay ərzində isə 60 əməliyyat limiti müəyyən edib.

Xatırladaq ki, "Yelo Bank"ın əsası 1994-cü ildə qoyulub. Onun nizamnamə kapitalı 378 milyon manatdır. Bankın səhmlərinin 98,94%-i Marina Kulişovaya (Bankın Müşahidə Şurasının sədri), 0,96%-i Anar Həsənova (İdarə Heyətinin sədri), 0,10%-i isə "İSR Holdinq” MMC-yə məxsusdur.