“Yelo Bank” 2023-cü il ərzində 20 milyon 761 min manat xalis mənfəət əldə edib.

Valyuta.az bankın maliyyə hesabatına istinadən xəbər verir ki, bu, 2022-ci illə müqayisədə 3,9 dəfə çoxdur. Ötən il “Yelo Bank”ın faiz gəlirləri 112 milyon 631 min manat olub. Bu, 2022-ci illə müqayisədə 30,2% çoxdur. 

“Yelo Bank”ın qeyri-faiz gəlirləri 11 milyon 922 min manat olub, bu, illik müqayisədə 20,7% artım deməkdir.

“Yelo Bank”ın 2023-cü ildə faiz xərcləri 43 milyon 591 min manat olub. Bu, illik müqayisədə 33,3% çoxdur. Bankın qeyri-faiz xərcləri isə 2022-ci illə müqayisədə 12,4% artaraq 70 milyon 878 min manat olub.

Bankın ötən il aktivlərinin məbləği 1 milyard 566 milyon 452 min manat olub, bu, 2022-ci illə müqayisədə 90,6 % çoxdur. 

“Yelo Bank”ın nağd pul vəsaitləri və ekvivalentləri, o cümlədən bloklaşdırılmış nağd vəsaitlərinin məbləği 2022-ci illə müqayisədə 2023-cü ildə 6,4 dəfə artaraq 687 milyon 293 min manat olub. 

“Yelo Bank” ticarət və qiymətli kağızlara yatırdığı investisiyaların məbləği 8 milyon 594 min manat olub. Bu, 2022-ci illə müqayisədə 4,2 dəfə, yaxud da 28 milyon 156 min manat azdır. 

Bankın öhdəlikləri 1 milyard 467 min 384 manat olub, bu, illik müqayisədə 96,8% çoxdur.

Nara