Valyuta.az-ın bankdan əldə etdiyi məlumata görə, dollar əmanətləri üzrə təklif edilən maksimum gəlirlilik 1,5% azaldılaraq 4%-dən 2,5%-ə qədər endirilib. Başqa sözlə, “Access Bank” hazırda 6-24 aylıq dollar əmanətləri üzrə 1,5%- 2,5% gəlir təklif edir.     

Qeyd edək ki, bank ötən ilin sonundan etibarən həmçinin, bankın 24 ay müddətinə təklif etdiyi müddətli manat depoziti üçün faizləri aylıq əsasda 1% azaldaraq 10,5%-dən  9.5%-ə, müddətin sonuna hesablanan gəlir faizini isə 11%-dən 10%-ə kimi azaldıb. 

Xatırladaq ki, "Access Bank" 2002-ci ildə yaradılıb. Onun nizamnamə kapitalı 258,7 milyon manatdır. Bankın əsas səhmdarları Asiya İnkişaf Bankı (20,33%), Avropa İnvestisiya Bankı (17,76%), Beynəlxalq Maliyyə Korporasiyası (15,86%), Hollandiya İnkişaf Bankı (9,62%) və Avstriya İnkişaf Bankıdır(9,36%).

Leyli