“Access Bank” müddətli əmanət faizlərini endirib.

Valyuta.az bu barədə banka istinadən xəbər verir. Belə ki, bankın 24 ay müddətinə təklif etdiyi müddətli manat depoziti üçün faizləri aylıq əsasda 1% azaldaraq 10,5%-dən 9.5%-ə endirib.

Bank 2 illik əmanətlər üzrə müddətin sonuna hesablanan gəlir faizini isə 11%-dən 10%-ə kimi azaldıb.

Xatırladaq ki, "Access Bank" 2002-ci ildə yaradılıb. Onun nizamnamə kapitalı 258,7 milyon manatdır. Bankın əsas səhmdarları Asiya İnkişaf Bankı (20,33%), Avropa İnvestisiya Bankı (17,76%), Beynəlxalq Maliyyə Korporasiyası (15,86%), Hollandiya İnkişaf Bankı (9,62%) və Avstriya İnkişaf Bankıdır(9,36%).

Leyli