2023-cü ilin III rübündə Azərbaycanda 16 bankın halal gəlirləri, yəni qeyri-faiz gəlirləri artdığı halda 8 bankda (Ləğv prosesində olan “Muğan Bank” daxil olmaqla) azalma müşahidə edilib.  

Valyuta.az-ın araşdırmasına görə, bu dövrdə “Kapital Bank”ın qeyri-faiz gəlirləri 43,6 milyon manat artaraq 331,1 milyon manata, “Unibank”da 32,4 milyon manat artaraq 77,8 milyon manata, ABB-də 31,3 milyon manat artaraq 164,5 milyon manata, “PAŞA Bank”da 22 milyon manat artaraq 165,9 milyon manata çatıb. 
Son bir ildə digər 10 bankın halal gəlirləri 6 milyon manatdan az olub. 

Qeyri-faiz gəlirləri ən çox azalan bank yenicə lisenziyası ləğv edilən “Muğan Bank” olub. Son hesabatına əsasən bankın sözügedən gəlirləri 12,5 milyon manat azalaraq 21,4 milyon manata enib. “Bank VTB Azərbaycan” qeyri-faiz gəlirləri 5,4 milyon manat azalaraq və ya 2 dəfəyə yaxın azalaraq 5,5 milyon manata, “AFB Bank”da 1,6 milyon manat azalaraq 6,4 milyon manat, “Naxçıvan Bank”da isə 1,2 milyon manat azalaraq 3,2 milyon manata enib. “Yelo Bank”ın halal gəlirlərində 0,9 milyon manat, “BTB Bank”də 0,4 milyon manat, Bank Melli İran Bakı filialında isə 0,1 milyon manat azalma müşahidə edilib.

“Rabitəbank” (34,9 milyon manat) və “Bank Avrasiya”nın (2,1 milyon manat) qeyri-faiz gəlirləri isə dəyişməyib.

Leyli