“Azərbaycan Beynəlxalq Bankı”nda (ABB) 2023-cü ilin III rübündə hüquqi şəxslərin depozitləri 6 milyard 203 milyon manat təşkil edib, ilin əvvəli ilə müqayisədə hüquqi şəxslər 2 milyard 512 milyon manat depozitlərini geri çəkiblər. 

Bu barədə Valyuta.az bankın maliyyə hesabatına istinadən xəbər verir.

Bu ilin III rübündə ABB-də hüquqi şəxslərin depozitləri ilin 2-cü rübü ilə müqayisədə  302 milyon azalıb. ABB-də hüquqi şəxslərin depozitləri bu ilin ikinci rübündə  6 milyard 505 milyon olub. 

2023-cü ilin birinci rübü ilə müqayisədə hüquqi şəxslərin depozitləri 651 milyon azalıb. Bu ilin birinci rübündə hüquqi şəxslərin depozitləri 6 milyard 854 milyon manat təşkil edib. 

ABB-də hüquqi şəxslərin depozitləri ötən ilin 9 ayı ilə müqayisədə 1 milyard 676 milyon 978 min manat azalıb. 2022-ci illin 9 ayında ABB-də hüquqi şəxslərin depozitləri 7 milyard 880 milyon 062 min manat təşkil edib. 

Xatıraladaq ki, 2023-cü ilin III rübündə ABB-nin xalis mənfəəti 2022-ci ilin müvafiq dövrü ilə müqayisədə 19,5% və ya 40,9 milyon manat artaraq 250 milyon 865,6 min manat təşkil edib. 
2023-cü ilin yanvar-sentyabr aylarında bankın xalis faiz gəlirləri ötən ilin müvafiq dövrü ilə müqayisədə 39,6% artaraq 479 milyon 634 min manata, qeyri-faiz gəlirləri isə 23,5% artaraq 164 milyon 501 min manata yüksəlib.

Bu il oktyabrın 1-nə ABB-nin cəmi aktivləri ilin əvvəlinə nisbətən 18,5% və 2,6 milyard manat azalaraq 11 milyard 434,7  milyon manata bərabər olub. Öhdəliklərinin həcmi isə 21,6% azalaraq 9 milyard 724,1 milyon manat təşkil edib. Bankın cəmi kapitalı isə ilin əvvəlinə nisbətən 4,8% artaraq 1 milyard 710,7 milyon manat təşkil edib.

Nara