2023-cü ilin III rübü üzrə Azərbaycanda fəaliyyət göstərən 13 bankın depozit portfeli artıb, hazırda ləğv prosesində olan “Muğan Bank” daxil olmaqla 11 bankın depozit portfeli isə azalıb.

Valyuta.az-ın araşdırmasına görə, 2023-cü ilin II rübü ilə müqayisədə III rübdə depozit portfelini ən çox artıran bank “Kapital Bank” olub. Bankın əmanət portfeli üç ayda 244,1 milyon manat artaraq 6,5 mlrd. manata çatıb. “Bank Respublika”nın  depozitləri 128,5 milyon manat artaraq 1,2 mlrd. manata, “Xalq Bank”da bu rəqəm 87,5 milyon manat artaraq 2,14 mlrd. manata yüksəlib. 

Bu ilin II rübü ilə müqayidədə III rübdə 4 bankın depozit portfeli 50 milyon manatdan çox azalıb.  Ən çox azalma dövlət bankı ABB-də müşahidə edilib. Bankın əmanət portfeli 3 ayda 262,8 milyon manat azalaraq 8,26 mlrd. manata enib. “PAŞA Bank”da depozit portfeli 132,5 milyon manat “əriyərək” 6,6 mlrd. manata düşüb. Ləğv prosesindən olan “Muğanbank”ın depozit portfeli son rəqəmlərə əsasən 71,4 milyon manat azalaraq 393,8 milyon manatdan 322,5 milyon manata, “Premium Bank”ın  depozit portfeli isə 61 milyon manat azalaraq 451,3 milyon manata enib.

Mahir