“Muğan Bank”da sığortalanmayan vəsaitləri olan müştərilərin vəsaitlərinin bir hissəsi ümumiyyətlə qaytarılmaya bilər”.

Bunu iqtisadçı ekspert Xalid Kərimli Valyuta.az-a açıqlamasında dedi.  

Bu gün “Muğan Bank”ın lisenziyası ləğv edildi. Azərbaycan Mərkəzi Bankı açıqladı ki, bu, sektora heç bir təsir etməyəcək. Xalid Kərimli isə bildirir ki, bu, sektora təsir etməsə də, müştərilərə təsir edəcək: “Muğan Bank” bank, maliyyə sistemini çökdürəcək, maliyyə sistemində qarışıqlıq yaradacaq bir bank deyil. Bankın depozitlərinin 99,9 faizinin sığortalandığı yazılıb. Bu, o deməkdir ki, kim bu banka depozit qoyubsa, öz pullarını geri alacaq. Amma burada sığortalanmayan məbləğlər var, onlar üçün riskdir. Şirkətlərin, müştərilərin cari hesabları var ki, onlar vəsaitlərini dərhal geri götürə bilməyəcəklər. Müştərilər bank hesablarındakı vəsaitlərindən istifadə edə bilməyəcəklər. Qanunla müflisləşmə qaydaları tətbiq ediləcək. Sığortalanmayan vəsaitlərdə müştərilər öz pullarını çıxarmaq üçün zamana ehtiyac olacaq və bunda əziyyət çəkəcəklər”.

Ekspert bankın bağlanmasının sığortalanmayan vəsaitləri olan müştərilər üçün problem yaradacağını dedi. Bildirdi ki, bank sığortalanmayan vəsaitlərin qaytarılmasına ən sonda başlayacaq: “Birinci əmanətlər geri qaytarılır. Sonra bank öz inzibati xərclərini götürəcək, vergiyə olan ödənişlərini, işçilərin 6 aya qədər olan əmək haqlarını ödəyəcək. Ondan sonra pul qalarsa, müştərilərin sığortalanmayan öhdəliklərini ödəyəcəklər. Burada itkilər olacaq, ziyan çəkən sahibkarlar olacaq”.

Nuray