“AFB Bank” 2023-cü ilin III rübü üzrə maliyyə hesabatlarını açıqlayıb.

Valyuta.az bankın maliyyə hesabatlarına istinadən xəbər verir ki, 2023-cü ilin yanvar-sentyabr aylarında “AFB Bank”ın xalis mənfəəti ötən ilin müvafiq dövrü ilə müqayisədə 45% və ya  5,16 milyon manat azalaraq 6 milyon 292 min manat təşkil edib. 2022-ci ilin yanvar-sentyabr aylarında bank 11 milyon 452 min manat xalis mənfəət əldə etmişdi.

Hesabat dövründə bankın faiz gəlirləri 14 milyon 925 min manata ( illik müqayisədə 14% çox), faiz xərcləri 3 milyon 521.1 min manata ( illik müqayisədə 76% çox) bərabər olub. Bu dövrdə bankın xalis faiz gəlirləri 11 milyon 404 min manat ( illik müqayisədə 2.8% çox), qeyri-faiz gəlirləri 6 milyon 356 min manat ( illik müqayisədə 19.8% az), qeyri faiz xərcləri isə 13 milyon 412 min manat ( illik müayisədə 16.9% çox) təşkil edib. Beləliklə “AFB Bank”  bu dövrdə 4 milyon 347 min manat əməliyyat mənfəəti əldə edib ki,  bu da ötən illə müqayisədə 42% azdır.

Cari ilin oktyabrın 1-nə bankın aktivləri ilin əvvəli ilə müqayisədə 7.9% və ya 22,2 milyon manat artaraq 304 milyon 624 min manata yüksəlib. Cari ilin ilk 9 ayında “AFB Bank”ın kredit portfeli (müştərilərə verilmiş kreditlər) 0.8% və ya 1 milyon 235 min manat azalaraq  169 milyon 619 min manata çatıb. Bankın kredit portfelində istehlak kreditləri 22 milyon manat, biznes kreditləri 90 milyon 341 min manat, daşınmaz əmlak kreditləri isə 57 milyon 223 min manat təşkil edib.

Bu dövrdə “AFB Bank”ın cəmi öhdəlikləri 225 milyon 906 min manat təşkil edib ki, bu da ilin əvvəlinə nisbətən 13.5% və ya 27 milyon manat çoxdur. Bankın depozit portfeli də cari ilin ilk 9 ayında 25,8% və ya 30 milyon manat artaraq  146 milyon  169 min manata çatıb.

Mahir