2023-cü ilin I rübündə “Bank of Baku”nun aktivləri 5% - 736 milyon 129,8 min manata qədər artıb. 

Bu barədə Valyuta.az-a bankdan məlumat verilib.

2023-cü il martın 31-nə bankın kredit portfeli 583,589 milyon manat (2022-ci ilin sonuna olan göstərici ilə müqayisədə artım 1% - İF) təşkil edib. İstehlak kreditləri portfeli 403,86 milyon manata (artım 1,4%), biznes kredit portfeli 153,167 milyon manata (azalma 1%) bərabərdir.

Bankın öhdəlikləri 603 milyon 627,86 min manat (artım 4,4%) məbləğindədir. Bankdakı depozitlər 391 milyon 277,8 min manat (artım 7%), əhalinin əmanətləri 365,136 milyon manat (artım 10,6%) təşkil edir.

2023-cü il martın sonuna “Bank of Baku”nun kapitalı 132 milyon 501,96 min manata (artım 7,8%), nizamnamə kapitalı 52,87 milyon manata (dəyişməyib) bərabərdir.

2023-cü ilin yanvar-mart aylarında fəaliyyətinin yekunları üzrə bankın xalis mənfəəti 9 milyon 538,6 min manat (azalma 3,5%) təşkil edib.

“Bank of Baku” 1994-cü ildə yaradılıb.