Cari ilin yanvar-sentyabr aylarında Azərbaycana xaricdən 2 245 ədəd yalnız elektrik mühərriklə hərəkətə gətirilən nəqliyyat vasitələri gətirilib. 

Valyuta.az Dövlət Gömrük Komitəsinin açıqladığı məlumatlara istinadən xəbər verir ki, bu sayda elektromobilin alışına 88 milyon 620 min ABŞ dolları vəsait xərclənib.

Bu ilin 9 ayında idxal olunan elektromobil ötən ilin eyni dövrü ilə müqayisədə 127 ədəd və ya 6 % artıb. Ötən ilin bu dövründə ölkəyə 2 118 ədəd elektromobil gətirilib. Cari ilin yanvar-avqust aylarında isə ölkəyə 1 971 ədəd elektromobil gətirilib. 

Hesablamalardan da məlum olduğu kimi son bir ay ərzində Azərbaycana xarici ölkələrdən 274 ədəd elektromobil gətirilib.

Əvəz Həsənov