Amerikanın Tesla korporasiyası 2025-ci ilin sonundan Çində altı yerlik Model Y elektrik krossoverinin istehsalına başlayacaq. 

Valyuta.az xəbər verir ki, bu barədə iki anonim mənbəyə istinadən Reuters agentliyi məlumat yayıb.

Onların sözlərinə görə, Tesla komponent tədarükçülərindən dördyerlik avtomobillər istehsal edən Şanxay zavodunda Model Y istehsal həcmlərini əhəmiyyətli dərəcədə artırmağa hazırlaşmağı xahiş edib. Bütün bunların fonunda agentlik qeyd edir ki, Teslanın bu zavodda istehsal həcmini necə artırmaq niyyətində olduğu hələ də aydın deyil, çünki korporasiya hələ də Çin hakimiyyəti tərəfindən müəssisənin yerləşdiyi ərazinin genişləndirilməsi ilə bağlı müraciətinin təsdiqini gözləyir.

Reuters xatırladır ki, şirkət 2020-ci ildə Model Y-ni buraxıb və bu modeli modernləşdirmək üzərində işləyir. Yeni versiyanın beş nəfərlik oturacağı olmalıdır və 2025-ci ilin əvvəlində buraxılacağı gözlənilir. Agentliyin məlumatına görə, buna əlavə olaraq altı yerlik krossoverin buraxılması korporasiyanın “Çində yerli rəqiblərin, o cümlədən Nio və Zeekr kimi elektromobil istehsalçılarının təzyiqi altında olduğunu” göstərir.

Tesla 2003-cü ildə mühəndislər Martin Eberhard və Mark Tarpenninq tərəfindən yaradılıb. 2004-cü ildə onun əsas investoru amerikalı mühəndis və sahibkar İlon Mask idi. Teslanın baş ofisi Ostində yerləşir. 2023-cü ilə qədər şirkətin aktivləri 106,618 milyard dollar, xalis gəliri isə 14,999 milyard dollar dəyərində qiymətləndirilib. 

Nicat