"Iconic Auctioneers" şirkəti V12 mühərrikli unikal "Ferrari F40" sportkarını satacaq. 

Valyuta.az xəbər verir ki, bu, standart V8 əvəzinə belə güc bloku ilə təchiz edilmiş dünyada yeganə nüsxədir.

Qeyd olunur ki, mühərrik bölməsində ikiqat kompressorlu orijinal V8 2.9 mühərrikinin əvəzinə daha müasir "Ferrari 550"dən aspirasiya edilmiş V12 5.5 quraşdırılıb. Mühərrik "Newland" mexaniki transmissiya ilə qoşalaşıb.

Əvvəlki illərdə superkar bir neçə yarışda iştirak edib və finiş xəttində ikinci yerə yüksəlib. Avtomobilin sahibi bunun üçün 700 min dollar almağı planlaşdırır.

Paşa Məmmədli