Xəbər verdiyimiz kimi, “Xiaomi” ilk elektrikli avtomobilini nümayiş etdirib.

Valyuta.az xəbər verir ki, texnologiya nəhəngi olan “Xiaomi” təşkil etdiyi tədbirdə ilk elektrik avtomobili SU-nu təqdim edib. Tədbirdə çıxış edən “Xiaomi” CEO-su Lei Jun “SU7”-ni zərərlə satacaqlarını bildirib. O, şirkət satışın ilk 27 dəqiqəsində 50 min sifarişin alındığını açıqlayıb.

Tədbirdə çıxış edən CEO Lei Jun avtomobilin standart versiyasının qiymətinin 215 900 yuan (29 min 900 ABŞ dolları) olduğunu açıqlayıb. Lei Jun bildirdi ki, bu qiymət avtomobilin zərərlə satılması deməkdir. Üç versiyada satışa çıxarılan avtomobilin giriş versiyası 29 900 dollara, “SU7 Pro” 34 000 dollara, “SU7 Max” isə 41 500 dollara satılacaq. Şirkətdən verilən açıqlamada satışın ilk 4 dəqiqəsində 10 min sifarişin alındığı, 27 dəqiqənin sonunda isə 50 min sifarişin əldə edildiyi bildirilib. Tədarükləri aprelin sonunda başlayacaq modelin fabriki 76 saniyəyə model istehsal edə bilir.

Ən yaxşı avadanlıq olan “Xiaomi SU7 Max” ikili mühərriklərlə gəlir və 673 at gücü və 838 fırlanma anı təklif edir. 101 kVt/saat CATL Qilin akkumulyatoru olan versiyanın diapazonu 810 kilometrə qədərdir. Model 5 dəqiqəlik şarjla 210 kilometr məsafə qət edir. Avtomobil maksimum 265 km/saat sürətə çata bilir və 0-dan 100 saniyəyə cəmi 2,78 saniyəyə sürətlənir.

Əvəz Həsənov