"Tesla"nın "Cybertruck" elektrik pikapı yarış yolunda 400 metrlik düz yarışda benzinlə işləyən "Porsche 911 Carrera" idman avtomobilini ötüb.

HİT.az xəbər verir ki, bu barədə istehsalçının X sosial şəbəkəsindəki (keçmiş Twitter) rəsmi səhifəsində yazıb.

Qeyd edilib ki, noyabrın 30-da "Cybertruck" satışlarının başlanması şərəfinə yeni "Tesla" avtomobilinin imkanlarının nümayişi keçirilib. "Tesla"nın sözlərinə görə, elektrik pikap saatda 0-dan 100 kilometrə cəmi 2,6 saniyəyə sürətlənib.

"Tesla" tərəfindən yayımlanan yarışın videosundan belə görünür ki, elektrikli SUV eyni "Porsche 911 Carrera"nı qoşquda çəkərkən "Porsche"ni qabaqlayıb.

İstehsalçının sözlərinə görə, "Cybertruck" arxada bir tondan çox yük daşıya və beş tona qədər olan obyektləri yedəkləyə bilər. Avtomobilin maksimal sürəti 210 km/saatdır.

Elektrikli avtomobil bir dəfə akkumulyatorla 500 kilometr yol qət edə bilir.

Avtomobil mütəxəssisləri qeyd ediblər ki, elektriklə işləyən pikap avtomobilinin benzinlə işləyən idman avtomobilini ötməsinin videosu yeni məhsulun real imkanlarının nümayişindən daha çox marketinq hiyləsi olub.

"Jalopnik" avtomobil müəllifi Rayan Erik Kinqin fikrincə, "Porsche 911 Carrera" 4 saniyədə 0-dan 100 mil/saat sürətlənərək öz sinfində ən yavaş "Porsche"lərdən biridir. Eyni zamanda, "Cybertruck" rəqibindən 2,2 dəfə güclüdür - müvafiq olaraq 379 at gücünə qarşı 845 at gücü.

"Əgər "Cybertruck"un elektrik mühərrikləri "Porsche 911 Carrera"nı ötüb keçmək üçün kifayət qədər fırlanma anı hasil edə bilməsəydi, mən çox narahat olardım", deyə Kinq qeyd edib.

Paşa Məmmədli

Feat of Strength 3: Cyberbeast (0-60 in 2.6s) pic.twitter.com/q0cK9zb21D

— Tesla (@Tesla) November 30, 2023