"Chery"nin yeni elektrik sedanı "Exeed Sterra ES" Quançjou avtosalonunda təqdim olunub. 

Valyuta.az xəbər verir ki, bu barədə carnewschina.com məlumat yayıb.

Çində avtomobilin qiyməti 248 min yuana (təxminən 58 min manat) olacaq.

"Exeed Sterra ES"in uzunluğu 4945 mm, təkər bazası 3000 mm-dir. Elektrik avtomobili iki versiyada təqdim ediləcək: bir motorlu və ikitəkərli, həmçinin iki mühərrikli və tam ötürücülü. Avtomobilin maksimal məsafəsi 995 km-dir, sürətli doldurma rejimində akkumulyator beş dəqiqə ərzində 150 ​​km məsafəyə kifayət edən enerji toplaya bilir.

Salonda "Qualcomm Snapdragon 8295" çipi və "Huawei" şirkətinin "Harmony OS" əməliyyat sistemi ilə təchiz edilmiş 15,6 düym diaqonallı multimedia ekranı var. Yeni avtomobil beş kuzov rəngində mövcuddur: mavi, yaşıl, qara, boz və ağ.

Paşa Məmmədli