BAKU Azərbaycan
21.03°C
  • 1 ABŞ dolları
    1.7
  • 1 Avro
    1.8221
  • 1 Rusiya rublu
    0.0195
  • 1 Türkiyə lirəsi
    0.0517
  • 1 İngiltərə funt sterlinqi
    2.1525
36699

Böyük Britaniyanın “What Car?” nəşri və “MotorEasy” sığorta şirkəti populyar avtomobillərin sahibləri arasında sorğu keçirərək, onların hansının daha etibarsız olduğunu aydınlaşdırıb. Qeyd edək ki, söhbət sürülmüş (ikinci əl) və populyar avtomobillərdən gedir.

Araşdırma müxtəlif seqmentlər və kateqoriyalar üzrə ən problemli avtomobilləri müəyyən etmək məqsədi daşıyıb. Sorğuda müxtəlif modellərdən olan 25 min avtomobilin sahibi iştirak edib. Onların hamısı son 24 ay ərzində qarşılaşdıqları nasazlıqlar barədə danışıblar. Məlum olub ki, işlənmiş avtomobillərin reytinqindəki liderlər heç də etibarlı deyillər: Onlar əslində tez-tez xarab olur və təmiri olduqca baha başa gəlir.


“Nissan X-Trail” (2014-2021-ci il buraxılışı)

"Nissan X-Trail" MDB məkanında işlənmiş avtomobil bazarında çox da populyar deyil. Britaniyalı sürücülər də bu avtomobildən məmnun qalmayıblart Sorğu zamanı respondentlərin 45%-i son iki ildə avtomobildə rastlaşdıqları müxtəlif problemlərdən şikayətlənib. Onların 40%-i naviqasiya istisna olmaqla, avtomobilin bütün hissələrində nasazlıqlarla qarşılaşıb.
Əsas şikayətlər: etibarsız kondisioner, əyləc sistemindəki nasazlıqlar, elektrik və mühərrik problemləri. Xüsusilə sürət qutusu ilə bağlı problemlər sizi yolda qoya bilər.
Azərbaycan bazarında bu avtomobil qiyməti 26 min manatdan (2014-cü il) 42 min manata (2021-ci il) qədər dəyişə bilir.


Hyundai Santa Fe (2013-2018 ci il.)

Krossoverlərin antireytinqində liderlər arasında Koreyanın "Hyundai Santa Fe" avtomobili də var. Sorğu nəticəsində məlum olub ki, bu modelin sahiblərinin 36%-nin ustaya yolu düşüb.
Ən çox rast gəlinən problemlər: Sürət qutusunun nasazlığı, əyləc nasazlığı və elektronikanın düzgün işləməməsi.
"Hyundai Santa Fe"yə ölkəmizin işlənmiş avtomobil bazarında da böyük tələbat var. Modelin qiymətləri istehsal ilindən, yürüş və salonundan asılı olaraq çox dəyişir. Təxminən 33-54 min manat civarındadır.


Kia Sorento (2010-2015–ci illər)

“Kia”nın avtomobilləri ümumiyyətlə, yüksək etibarlıdır. Lakin 2010-2015-ci illərdə istehsal olunmuş "Sorento" krossoveri markanın imcini zədələyib. Bu avtomobillərin əyləc, elektrik və sürət qutusunda problem olur. Xüsusəndə yayda işləməyən kondisioner avtomobili gözdən salır.
"Kia Sorento"ya təkrar bazarda tələbat çoxdur. Paytaxtdakı işlənmiş avtomobillərin satışı ilə məşğul olan avtosalonda 43 min manata 2015-ci il Koreya krossoverini almaq mümkündür. Avtomobil 184 at gücünə malik 2 litrlik dizel mühərriki ilə təchiz edilib və avtomatik transmissiyası var.


Land Rover Discovery (2004 - 2017 –ci il)

Britaniyada məsəl var: "Land Rover" küçəyə çıxanda ya təmirə gedir, ya da evakuatoru gözləyir. Odur ki, "Land Rover Discovery" təkrar bazarda ən etibarsız premium krossover kimi tanınır.
Son vaxtlar bu modelin sahiblərinin 46%-i dərhal xidmət mərkəzlərinə müraciət etmək məcburiyyətində qalıblar. Belə ki, avtomobilin mühərrikinin işləməsində və yanacaq sistemində ciddi problemlər olur. Azərbaycanda bu nəqliyyat vasitəsinin 2007-ci il buraxılışı 26,500 manata, 2017-ci il barıxılışı isə 76,500 manata satılır.


Audi Q7 (2006-2015)

“Audi Q7” krossoverinin etibarlılığı ilə bağlı işlər yaxşı getmir. Son vaxtlar bu modelin sahiblərinin 36%-i xidmət mərkəzlərinə müraciət etmək məcburiyyətində qalıb. Söhbət 2006-2015-ci illərdə istehsal olunmuş avtomobillərdən gedir.
Sürücülərdən ən çox daxil olan şikayətlər: Əyləc sisteminin yaxşı işləməməsi, egzoz sistemi, kondisioner və sükanla bağlı problemlər. Azərbaycanda isə bu markalı nəqliyyat vasitəsi tanınmış deyil və elə də tələbat yoxdur. Yalnız son zamanlar müasir görünüşə malik yeni modellərə maraq artıb. Onun da necə işləyəcəyi bir müddət sonra məlum olacaq.


Range Rover (2013-2022)

Azərbaycanda “status maşını” sayılan dördüncü nəsil "Range Rover"dən ingilislər çox narazıdır. Tədqiqat müəllifləri qeyd ediblər ki, bu avtomobil yerli bazarda öz görünüşü, dəbli salon bəzəkləri və idarəetməsi ilə məşhurdur. Bununla belə, etibarlılıq onun güclü tərəfi deyil. Avtomobil sahiblərinin 30%-dən çoxu bu avtomobildə kifayət qədər ciddi problemlərin olduğunu bildirib.
Əsas problemlər: mühərrik, əyləc və egzoz sistemləri. Problemli avtomobillərin 37%-i evakuatorun köməyinə ehtiyac duyub və onların təmiri bir həftədən çox çəkib.
"Range Rover"in son modellərinin Azərbaycanda qiyməti nə az-nə çox 200 min dollardan başlayır.


“Nissan Qashqai” (2014-2021-ci il buraxılışı)

“Qashqai” - avtomobil bazarında antiliderlərdən biridir. Jurnalistlər və avtomobil mütəxəssisləri işlənmiş “Nissan Qashqai” almağı məsləhət görmürlər. Məlum olub ki, bu avtomobilin alıcıları tez-tez variator və akkumulyatorun sıradan çıxması ilə qarşılaşır.
Digər tərəfdən, bu amillər “Nissan Qashqai”ın 10 yaşı olmasına baxmayaraq, onun hələ də həm yeni avtomobillər sırasında, həm də təkrar bazarda satışda liderlər arasında qalmasına mane olmur. Birinci ildə “Qashqai” qiymətinin təxminən 7%, üçüncü ildə isə 20%-ə qədərini itirir.


“Nissan Juke” (2010-2019-cu il buraxılışı)

Dizaynı sayəsində bu avtomobil dəfələrlə mübahisə obyektinə çevrilib. “What Car?” nəşrinin apardığı araşdırmanın nəticələrinə görə, 2010-2019-cu illər arasında istehsal edilmiş “Nissan Juke” sahiblərinin demək olar ki, 40%-i ilk beş ildə mühərrik problemləri ilə üzləşir.


“Ford Fiesta” (2017-ci ildən sonrakı buraxılışı)

“Fiesta” ən populyar və ikinci əl bazarda hələ də aktual olan avtomobil modellərindən biridir. “What Car?” mütəxəssisləri onun müasir elektron sistem, yüksək keyfiyyətli işləmə materialları və əla idarəetməsi haqqında danışırlar. Lakin modelin başqa, daha az cəlbedici tərəfi də var – mühərrikin tez-tez sıradan çıxır.


“Opel Astra” (2015-ci ildən sonrakı buraxılışı)

MDB məkanında “Astra” avtomobili “Volkswagen Golf” qədər populyardır. Buna baxmayaraq, avtomobilin ingilis istifadəçilərinin üçdə biri elektron sistem, batareya və sürətlər qutusunu sıradan çıxması kimi ciddi problemlərlə üzləşir.

© Azvision

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

Son xəbərlər

PSJ-nin Mbappeyə 100 milyon avro borcu var

Gəlirli məhsuldur - Fermerlər əkin sahələrini genişləndirir

Yumor anlayışı olan yeni çatbot təqdim edildi

Ukrayna Qərbin verdiyi krediti bu yolla bağlayacaq

Azərbaycanın içki ixracı azalıb, idxalı artıb

Nazir bu xanımı direktor TƏYİN ETDİ - FOTO

Nazir bu xanımı direktor TƏYİN ETDİ - FOTO

İnsanların və süni intellektin birgə mövcud olduğu sosial şəbəkə istifadəyə verildi

COP29-a gələnlərə görə milli parklarda yeni turist marşrutları yaradılıb

“Laçın”ın qarşısındakı qanunsuz parkinq yığışdırıldı

"Taksi qiymətləri bahalaşacaq, problem həll olunmayacaq" - "Kaspi"nin ARAŞDIRMASI

Əlilliyi olan şəxslərə nələr pulsuz veriləcək? Baş nazir qərar imzaladı

Ölkə ərazisində qeyri-sabit hava şəraiti nə vaxtadək davam edəcək? - RƏSMİ AÇIQLAMA

MİQ imtahanlarının vaxtı məlum oldu - RƏSMİ

Qabiliyyət imtahanının vaxtı dəyişib - Səbəb

IOTA təşkilatına üzvlükdən Azərbaycan nə əldə edəcək?

Sabaha olan hava proqnozu açıqlanıb

Mətbuat Şurası və ARDNF birgə müsabiqə elan edib

Bu məhsulların idxalı ƏDV-dən azad edildi - SİYAHI

Baş nazirdən AzTV ilə bağlı QƏRAR

Baş nazirdən AzTV ilə bağlı QƏRAR

Tikinti obyektlərinin su təchizatı sisteminə qoşulması qaydası təsdiqləndi

Gəncəyə yeni baş memar təyin edildi

Dəyəri ən çox azalan 10 futbolçu açıqlandı

Neftimizin qiyməti 88 dolları ötdü

Prezident İlham Əliyev “Euronews”a müsahibə verib

Azərbaycan Ordusunun Kəlbəcərdəki mövqeləri atəşə tutulub

Bakıda işləyənlərin orta aylıq maaşı 1200 manatdan çoxdur

Alimlər yeməli paltar istehsal edən maşın yaratdılar (VİDEO)

Rusiya pilotlar üçün “son nəfəs” cihazı hazırlayır

"WorldSkills Russia"ya qarşı 11 iddia qaldırıldı

Bütün xəbərlər

Xəbərin mətnində orfoqrafik səhv var

Qeydinizi daxil edin