ABŞ-ın elektrikli avtomobillər, xüsusən SUV və pikap modellərinin istehsalçısı Rivian bir ilkə imza atıb.

Şirkətin ilk pikapı olan R1T-nin birinci nüsxəsi zavoddan buraxılıb.

Bununla da, Rivian elektromobil bazarının lideri Teslanı, eləcə də General Motors və Ford kimi ənənəvi nəhəngləri qabaqlayaraq, ilk elektrikli pikap-ın müəllifi kimi tarixə düşüb.  

Modelin kütləvi istehsalı və satışı 2022-ci ildən başlayacaq.

Zavod satış qiyməti 68 min dollardan başlayan Rivian R1T hər biri ayrıca təkərə qoşulan dörd mühərrikə malikdir. 96 km/saat sürəti 3 saniyəyə yığan avtomobil 135 kvat/saatlıq batareya ilə təchiz olunub. 

Bu isə tam enerji yığdıqda 500 km-ə qədər məsafə qət etməyə imkan verəcək.

2009-cu ildə qurulan Rivian indiyə qədər investorlardan 6 milyard dollardan çox vəsait cəlb edib. 

Şirkətin əsas istehsal bazası 2017-ci ildə 16 milyon dollara Mitsubishi-dən aldığı İllinoysdakı keçmiş avtomobil zavodudur.

Mənbə: Marja