Azərbaycanda ilk dəfə limon, kinkan, naringi, portağal, qoz və şabalıd tinglərinin istehsalı və satışına görə də toxum subsidiyası veriləcək.

Valyuta.az xəbər verir ki, bu Aqrar Subsidiya Şurası 2025-ci il üçün subsidiya əmsallarında qeyd edilib. 

Belə ki, limon və kinkan bağlarının  hektarına 11 min 600 manat, naringin və portağal bağları üçün hektara 9 min 600 manat, qoz bağları üçün 3300 manat subsidiya veriləcək. 2025-ci il üzrə toxum əmsalları və toxum subsidiyasının məbləği, toxum və tinglər üzrə kvota, toxum subsidiyasının hesablanması üçün istifadə ediləcək əkin ehtiyacları (istifadəsində olan torpaq sahələrinin hər hektarına görə fermerlərə satılan 1-ci və 2-ci reproduksiyalı toxum və tinglərin miqdarının yuxarı həddi) barədə də qərar qəbul edib.