![](https://valyuta.az/file/articles/2024/07/08/1720421406_8ec4221d-45ae-3cea-b050-18babce76dde.jpg)
Taxıl zəmilərinin 73 faizində biçin başa çatıb
Respublikada taxıl biçini davam edir. Kənd Təsərrüfatı Nazirliyində taxıl biçininin təşkili ilə bağlı yaradılmış operativ qərargahın məlumatına görə, iyulun 7-dək ölkə üzrə taxıl zəmilərinin 73 faizində biçin başa çatıb. Artıq payızlıq arpa sahələrinin 91 faizində, buğda sahələrinin isə 60 faizində biçin tam yekunlaşıb.
Valyuta.az xəbər verir ki, bu mövsüm mexanizatorlar tərəfindən 385 783 hektar arpa sahəsi, 351 548 hektar buğda sahəsi biçilib. Biçin həcmi ötən ilin müvafiq dövrü ilə müqayisədə 43 min hektar artıqdır.
Hazırda arpa üzrə orta məhsuldarlıq 29.7 sent/ha, buğda üzrə orta məhsuldarlıq isə 34 sent/ha təşkil edir. İndiyədək biçin aparılmış 737 331 hektar sahədən 2 341 831 ton məhsul yığılıb ki, bunun da 1 196 958 tonu buğda, 1 144 873 tonu arpadır.
Respublikanın 23 rayonunda biçin həcmi 90 faizi keçib, Bərdə, Neftçala və Naftalanda biçin tam başa çatıb. Hazırda taxıl üzrə ən yüksək məhsuldarlıq Hacıqabul rayonunda qeydə alınıb - 51.4 sent/ha. Orta məhsuldarlıq Ağdam, Ağcabədi, Bərdə, İmişli, Saatlıq, Sabirabad, Salyan rayonlarında da kifayət qədər yüksəkdir. Ümumilikdə 21 rayonda taxıl üzrə orta məhsuldarlıq göstəricisi ümumrespublika göstəricisindən yüksəkdir.
Hazırda taxıl biçini prosesində 1635 kombayn iştirak edir. Bunlardan 579 kombayn “Aqroservis” ASC-nin, 1056 kombayn fiziki və hüquqi şəxslərin balanslarında olan kombaynlardır.
Biçin davam edir.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay