"Oukitel" mayın ortalarında gecəgörmə kamerası və 11 000 mAh batareyaya malik WP35 möhkəm smartfonunu buraxmağa hazırlaşır. 

Valyuta.az xəbər verir ki, bu barədə GSMArena portalı məlumat yayıb.

"Oukitel WP35" 32 meqapiksellik ön kamera üçün su damcılı çentikli Full HD+ təsvir ölçülü 6,6 düymlük ekrana sahib olacaq. Arxa örtükdə üç kamera yerləşəcək: 64 MP əsas kamera, 8 MP gecə görmə sensoru və 2 MP makro modul.

Yeni məhsulun performansını büdcə "MediaTek Dimensity 6100+" çipi, 8 GB RAM və 2 TB-a qədər genişləndirilə bilən 256 GB daimi yaddaş idarə edəcək. Digər xüsusiyyətlərə əvvəlcədən quraşdırılmış "Android 14" ƏS, proqramlaşdırıla bilən qırmızı düymə, IP68/69K standartlarına uyğun su və tozdan qorunma, eləcə də MIL-STD-810H hərbi standartına uyğun olaraq daxildir.

"Oukitel WP35" akkumulyatorunun tutumu 11 000 mAh, doldurma gücü isə cəmi 18 Vt olacaq. Smartfonun özünün çəkisi 360 q, qalınlığı isə 15,3 mm olacaq.

"Oukitel WP35" mayın ortalarında təxminən 200 dollar başlanğıc qiymətlə təqdim ediləcək.

Paşa Məmmədli