Belçikanın Genk şəhərindəki IKEA əməkdaşları həftənin yeddi günü, günün 24 saatı dronlardan istifadə edirlər.

Valyuta.az “Trade Master”ə istinadla xəbər verir ki, pərakəndəçinin Belçika paylama mərkəzi, işçilərə 24/7 gün ərzində dronlarla köməklik göstərən dünyada ilk pərakəndə satış yeri olub.

Gent, Zaventem, Anderlext, Lieje, Mons və Arlondakı IKEA mağazalarında avtonom dronlar əvvəllər əllə görülən və aylarlaq çəkən çətin sifariş yoxlamalarını həyata keçirir.

Gecə işləri ilə yanaşı, paylama mərkəzindəki dronların da gün ərzində vəzifələri var, anbardakı mallar və sifarişlər haqqında bütün lazımi bilgiləri birbaşa məlumat bazalarına ötürürlər.

Bunun sayəsində işçilər konkret məhsulda çatışmazlıq və ya artıqlıq olduqda real vaxt rejimində hərəkətə keçə, həmçinin iş proseslərini optimallaşdıra bilərlər.

Bu dronlardan 24/7 istifadə edilə bilər. Pərakəndə satıcının nümayəndəsinin sözlərinə görə, bu tədbirlər artıq şirkət işçilərinin işini daha erqonomik, təhlükəsiz və daha az monoton edib.

Yeni yanaşma həm də müştəri xidmətinin keyfiyyətini artırıb, çünki dronların köməyi ilə mərkəzin əməkdaşları düzgün məhsulu tez tapır və səhvləri düzəldir.

Daha əvvəl bildirilmişdi ki, 2023-cü ilin fevralında IKEA-nın Rusiyadakı fabriklərinin yerli şirkətlərə satılmasına icazə verilib.

2023-cü ilin mart ayında IKEA Rusiyadakı son və ən böyük zavodunu satıb.

2023-cü ilin sentyabrında IKEA-nın sahibi Rusiyadakı ticarət mərkəzlərini Qazprombank-ın törəmə müəssisəsinə satdığını elan edib.

Nicat