Bu ilin yanvar ayı ərzində Azərbaycana 1 074 ton süd və qaymaq gətirilib.

Valyuta.az Dövlət Gömrük Komitəsinə istinadən xəbər verir ki, bu miqdarda məhsulun dəyəri 1 milyon 650 min ABŞ dolları olub. Bu rəqəm 2023-cü ilin müvafiq dövrü ilə müqayisədə miqdar ifadəsi ilə 149 ton (16.1%) çox, dəyər ifadəsi ilə 576 min ABŞ dolları (25.8%) azdır. Ötən ilin yanvar ayı ərzində 925 ton miqdarında 2 milyon 226 min ABŞ dolları dəyərində süd və qaymaq gətirilib.

Ölkəyə gətirilən süd və qaymağın bir tonu üçün qiymət 1 min 536 ABŞ dolları olub ki, bu da əvvəlki ilin müvafiq dövrü ilə müqayisədə 870 ABŞ dolları (36.1%) azdır. Keçən ilin yanvar ayında bu rəqəm 2 min 406 ABŞ dolları olub.

Yanvar ayında ölkəyə gətirilən süd və qaymaq yanvar ayının ümumi idxalının 0.14 faizini təşkil edib.

Əvəz Həsənov