2023-cü ilin 11 ayı ərzində Azərbaycanın Avropa İttifaqı ölkələri arasında ticarət dövriyyəsinin həcmi 23 milyard 35 milyon 114 min  ABŞ dolları təşkil edib.
Valyuta.az Gömrük Komitəsinə istinadən xəbər verir ki, bu, 2022-ci ilin 11 ayı ilə müqayisədə 12,2 % azalıb. 
Ötən ilin 11 ayında Avropa İttifaqı ölkələrinə ixrac 20 milyard 283 milyon 231 min ABŞ dolları, idxal isə 2  milyard 751  milyon 833 min ABŞ dolları olub.  
Hesabat dövründə Aİ ölkələrinin Azərbaycanın ümumi ixracında payı 64,4 %, ümumi idxalında payı isə 17,4 % təşkil edib.
Avropa İttifaqı ölkələri ilə ticarət dövriyyəsində İtaliya əsaslı yerə sahibdir. Belə ki, ötən ilin 11 ayında  Azərbaycanla İtaliya arasında ticarət dövriyyəsinin dəyəri 14  milyard 599 milyon  772 min ABŞ dolları təşkil edib. İtaliyaya ixracın  dəyəri 14 milyard 179 milyon 929 min ABŞ dolları,  İtaliyadan idxalın  dəyəri 419 milyon 842 min ABŞ dolları təşkil edib. 
Azərbaycanın Yunanıstanla ticarət dövriyyəsinin  dəyəri 1 milyard 905 milyon ABŞ dolları təşkil edib. Yunanıstana ixrac 1 milyard 267 milyon 795 min ABŞ dollar təşkil edib, Yunanıstandan idxal isə 22  milyon 705 min ABŞ dollar olub. 
Üçüncü yerdə Almaniya qərarlaşıb. Azərbaycanın Almaniya ilə ticarət dövriyyəsinin  məbləği 1 milyard 633 milyon 808 min ABŞ dollar olub.  Almaniyaya ixrac 791 milyon  089 min ABŞ dollar, idxal isə 842  milyon 719 min ABŞ dolları olub. 
Azərbayanla İspaniya arasında ticarət əməliyyatlarının məbləği 809 milyon 217 min ABŞ dollar təşkil edib. İspaniyaya ixrac 715 milyon 205 min ABŞ dolları, idxal isə 94 milyon 012 min ABŞ dolları olub. 
Növbəti ölkə Çexiyadır. Azərbaycanla Çexiya arasında ticarət dövriyyəsinin  məbləği 762 milyon 500 min ABŞ dollar olub. Çexiyaya ixrac 684 milyon 026 min ABŞ dolları,  Çexiyadan idxal isə 78 milyon 474 min ABŞ dolları olub.

Nara