Sahibkarlıq, insanın fürsətləri görüb risk götürməsi və onları biznes ideyasına çevirməsi prosesini ifadə edir. Sahibkar mənfəət əldə etmək üçün əməyi, kapitalı, təbii sərvətləri və texnologiyanı təşkil edərək öz biznesini quran şəxsdir.

Sahibkar yaratdığı əlavə dəyərlə həm özünə, həm də fəaliyyət göstərdiyi sistemə böyük fayda verir. Ancaq hər bir işçi sahibkar ola bilməz. Sahibkar olmaq üçün lazım olanları 4 maddədə ümumiləşdirə bilərik.

Yenilikçi və yaradıcı olmaq

Sahibkarlıq məhsul, xidmət, texnologiya və ya istehsal baxımından yaradıcı və qeyri-ənənəvi həllər tapmağı tələb edir. Sahibkarlıq təfəkkürü adi biznes nümunələrinin pozulduğu yerdə başlayır. Sahibkar başqalarının baxdığı, lakin görə bilmədiyi imkanları tanıyır və onları biznes ideyalarına çevirir.

Risk almaq

Sahibkar texnoloji dəyişikliyi, bazar strukturunu, hüquqi tənzimləmələri və rəqabəti nəzərə alaraq riskləri öz üzərinə götürür. Risk etmək onu adi bir iş sahibi, müdir və ya menecerdən fərqləndirən mühüm xüsusiyyətdir.

Cəld olmaq

Sahibkar başqalarının arxasınca getmədən öz innovativ ideyalarını reallaşdıracaq biznes planlar qurur və onları tez bir zamanda həyata keçirir. O, hərəkətə keçir və nəyəsə nail olmaq həvəsi ilə irəliləyir.

Rəqabətli olmaq

İstehlakçı həmişə yüksək keyfiyyət, aşağı qiymət və daha çox seçim istəyir. Bu səbəbdən, sahibkar rəqabət aparmaq üçün istehlakçı yönümlü düşünür və uyğun həllər istehsal edir.

Nuray