Pandemiyadan sonra canlanan qlobal Birləşmə və Satınalma (Merger and Acquisition, M&A) bazarı yeni rekorduna yaxınlaşır.

Təkcə “sakit ay” sayılan avqustda 500 milyard dollardan çox sövdələşmə baş tutub. Ötən ilin müvafiq ayında bu rəqəm 289 milyard dollar, 2019-cu ildə isə 275 milyard dollar idi.

Artımın əsas səbəbləri çox aşağı xərcli kredit imkanları, özəl kapital qruplarının əlində toplanan trilyonlarla dollar və korporativ bazarın “iştaha” gəlməsidir. Nəticədə bu ilin yanvar-avqust aylarında müxtəlif sahələrdəki 40 mindən çox birləşmə və satılnalmaların həcmi 3,9 trilyon dollara çatıb. Müqayisə üçün - 2020-ci ilə həmin göstərici 1,9 trilyon dollar, 2019-cu ildə isə 2,6 trilyon dollar olub.

Texnologiya sektoru 21% payla liderlik edir - 8742 sövdələşmə, 832 milyard dollar (2019-cu ildə 291 milyard dollar, ötən il 301 milyard dollar). Digər iri sahələr maliyyə xidmətləri (12,1%), sənaye (12%), enerji və səhiyyədir (hər ikisi 9,6%).

Hazırkı temp davam edərsə, Birləşmə və Satınalma bazarının bu ilki həcmi 2007-ci ildə qeydə alınmış tarixi rekordu - 4,3 milyard dolları üstələyəcək. 

Mənbə: Marja.az