“Azərbaycanla İraq arasında əməkdaşlıqda ticarət əlaqələri mühüm əhəmiyyət kəsb edir”.

Valyuta.az Report.az-a istinadən xəbər verir ki, bunu Azərbaycan və İraq arasında Birgə Komissiyanın Bakıda keçirilən II iclasında iqtisadiyyat nazirinin müavini Sevinc Həsənova deyib.

“2020-ci ildə ticarət dövriyyəsi 2019-cu illə müqayisədə 19% az olsa da, bu ilin I yarısında ticarət dövriyyəsi ötən ilin eyni dövrünə nisbətən 36% artıb. Azərbaycandan İraqa əsasən heyvan mənşəli yağlar, meyvə-tərəvəz emalı məhsulları, arpa və sürtkü yağları ixrac edilib. İraqdan Azərbaycana isə nəqliyyat vasitələri üçün ləvazimatlar idxal olunub”, - o qeyd edib.

S.Həsənovanın sözlərinə görə, Azərbaycanda İraq kapitallı 180-dən çox şirkət dövlət qeydiyyatına alınıb: 

“Bu müəssisələr ticarət, tikinti, xidmət və sənaye sahələrini əhatə edir. Hesab edirik ki, ölkələr arasında ticarət əlaqələrinin artırılması üçün geniş imkanlar mövcuddur".