Moldova Azərbaycan investorlarını ölkə iqtisadiyyatına cəlb etməkdə maraqlıdır.

Bu fikri Azərbaycanın Moldovadakı səfiri Qüdsi Osmanovla görüşündə Moldovanın sabiq Prezidenti, Sosialist Partiyasının sədri İqor Dodon söyləyib.

İqor Dodon Azərbaycanın Moldovada, xüsusilə Qaqauz Muxtar ərazisində həyata keçirdiyi böyük sosial və humanitar layihələri yüksək dəyərləndirib.

Görüşdə Azərbaycan və Moldova arasında ikitərəfli əməkdaşlıqla bağlı müxtəlif məsələlər müzakirə edilib, humanitar, ticarət və enerji sahələri də daxil olmaqla, bir sıra prioritet istiqamətlər üzrə münasibətlərin genişləndirilməsinin vacibliyi vurğulanıb.