“Ödəmə və nağd vəsaiti qəbul edən bütün kiçik, orta, böyük şirkətlər, xidmət sahələri qanunun birbaşa tələbinə uyğun olaraq mütləq şəkildə nəzarət kassa aparatları quraşdırmalıdır”.  

Bunu Valyuta.az-a iqtisadçı Xalid Kərimli “gözəllik mərkəzləri, xüsusi ilə kiçik gözəllik salonlarında kassa nəzarət aparatları olmalıdırmı” sualına cavab verərkən deyib. 

Xalid Kərimlinin sözlərinə görə, bu gözəllik mərkəzləri də göstərdiyi xidmət müqabilində vətəndaşa qəbz təqdim etməlidir:

“Həmin müəssisələr vətəndaşın ödənişin formasını seçməkdə sərbəstlik hüququnu nəzərə alaraq post terminallarda quraşdırmalıdır. Əgər vətəndaşlara xidmət göstərilirsə, ödəniş qəbul edirsinizsə, bu ödəniş iki formada ola bilər. Nağd və kartla ödəniş. Hər ikisinin təmini subyektin qanuni borcudur. Onlar qanunvericiliyin tələbini yerinə yetirmirsə, ilk olaraq 100 manat, sonrakı hadisələrdə 2000 və 4000 manat cərimələnə bilər. Ümumiyyətlə kosmetik prosedurlarla bağlı fəaliyyət göstərən tibbi müəssisələr 500 manatdan yuxarı bütün ödənişləri qeyri-nağd, yəni kartla ödəniş kimi qəbul etməlidir”. 

Davud